Lucas 8:45-51 in San Blas Kuna

⁴⁵ Geb degi, Jesús sogded: —¿Wede doa an-ebusa? Bela sulidbiye ega sogmalad. Pedro, degi, e-walik-bukmalad, Jesúsʼga sogdemalad: —Odurdaked-saila, dulemar-bukidar ali-ali be-barmesnana-naded, degite, be sogde: ‘Wede, ¿doa an-ebusye?’

⁴⁶ Ar Jesús, abin-imakdegu, sogded: —Dule-an-ebusad mag an itoged. Ar angi an-gangued node an itosad.

⁴⁷ Degi, ome dakdegu, ibmar-gusadi gwen dukuar gussuli, ise-wawanmakar Jesúsʼse nonikid, e-mali-naba yokorgi sindigar signonikid. Bela-dulemar-bukwad-abargi sognonikid, ede, ibiga Jesús-morduku ebusye, degine, ede, Jesús-morduku-ebusgu, yog-nuguar nadye sognonikid.

⁴⁸ Jesús omega sogded: —Omegwa, be nue an-bengussursoggu, be nugussun. Gwage-bogidikidgi be-negse be nasun.

⁴⁹ Amba Jesús omega sunmakgwichi, dule-wargwen, Jairo-neggi-danikid, Jairoʼga sognonikid: —Be-bunolo bato burgwisye, mer bar odurdaked-sailagi bega be-bunolo-nudakega bar wileye.

⁵⁰ Jesús deyob dule-soge itosgu, Jairoʼga sogded: —Melle be dobgu. Unnila melle be bengu, be-bunolo nuguoed.

⁵¹ Jesús, Jairo-negse dogdapgu, dulemar eba gwen doged imaksasulid, unnila, Pedro, Jacobo, Juan, degi, bunolo-e-bab, degine, bunolo-e-nan, amarbi eba dogsamalad.

⁴⁵ Geb degi Jesús sogded: —¿Wede doa an-ebusa? Bela sulidbiye ega sogmargu, Pedro, degi, e-walik-bukmalad, Jesúsga sogdemalad: —Odurdaked-saila, dulemar-bukidar ali-ali be-barmesnana-naded, degite, be sogde: ‘¿Wede doa an-ebusa?’

⁴⁶ Ar Jesús, abin-imakdegu, sogded: —Dule an-ebusad, ar an mag-itoged, angi an-gangued noded dule-nudakegar.

⁴⁷ Degi, ome dakdegu, ibmar-imaksad gwen dukuar gussuli, ise-wawanmakar Jesússe nonikid, e-mali-naba yokorgi sindigar signonikid. Bela-dulemar-bukwad-abargi ome sogded, ibigarsunna Jesús-mor-duku ebunoniki. Ede, Jesús-mor-duku ebusgu, yog nuguar nadye.

⁴⁸ Jesús omega sogded: —Omegwa, be nue an-bengussursoggu, be nugussun. Be gwage-bogidikidgi be-negse be nasun.

⁴⁹ Amba Jesús omega sunmakgwichi, dule-wargwen, Jairo-neggi danikid, Jairoga sognonikid: —Be-bunolo bato burgwis, mer be odurdaked-sailagi bar wilege bega be-bunolo-nudakegar.

⁵⁰ Jesús deyob dule-soge itosgu, Jairoga sogded: —Mer be dobgu. Unnila mer be bengu, be-bunolo nuguoed.

⁵¹ Jesús, Jairo-negse dogdapgu, dulemar eba gwen doged imaksasulid, unnila, Pedro, Santiago, degi, Juan, bunolo-e-bab, degine, bunolo-e-nan, amarbi eba dogsamalad.