Lucas 3:19-28 in Achi

¹⁹ Xui-ri, i ma Heródes, chi cajʼatzil i aj Galiléa, xu tzʼapij i ma Wan pa cárcel. Xu tzʼapij, man i ma Wan xu bij che chi n-ʼus ti ca tijin chu ʼanic. Ire u majom i ati Erodiys, chi rixokil u chaʼ, chi ma Felípe; xak ʼo juban chic u mac u ʼanom.

²⁰ Are xyaj rumal i ma Wan, xpe roywal; rumal-i xu min pa cárcel. Are jun chic u mac-i xu ʼano.

²¹ I Jesus, are xkajsax ya piquiwi conojel i winak, xak xkajsax ya puwi ire. Are ʼuri, are ca tijin chu tzʼonoxic che i Dios, xjaktaj i caj,

²² y xkaj li u Tewal i Dios puwi, pacha u qʼuexwach palomax. Xtataj jun chʼawbal chicaj chi xu bij: —Yet lic at in Cʼojol; cʼax cat in naʼo. Lic quin quicot awumal —xcha.

²³ I Jesus, are xu jek u chac, colo ʼo chic tréinta junab che. Ire, are u cʼojol i ma Jose, quiqui bij i winak. I ma Jose-le, are u cʼojol i ma Eli.

²⁴ I ma Eli are u cʼojol i ma Matat. I ma Matat are u cʼojol i ma Levi. I ma Levi are u cʼojol i ma Mélqui. I ma Mélqui are u cʼojol i ma Jána. I ma Jána are u cʼojol i ma Jose.

²⁵ I ma Jose are u cʼojol i ma Matatías. I ma Matatías are u cʼojol i ma Amos. I ma Amos are u cʼojol i ma Nahum. I ma Nahum are u cʼojol i ma Esli. I ma Esli are u cʼojol i ma Nagái.

²⁶ I ma Nagái are u cʼojol i ma Maat. I ma Maat are u cʼojol i ma Matatías. I ma Matatías are u cʼojol i ma Seméi. I ma Seméi are u cʼojol i ma Jose. I ma Jose are u cʼojol i ma Juda.

²⁷ I ma Juda are u cʼojol i ma Joána. I ma Joána are u cʼojol i ma Résa. I ma Résa are u cʼojol i ma Zorobabel. I ma Zorobabel are u cʼojol i ma Salatiel. I ma Salatiel are u cʼojol i ma Néri.

²⁸ I ma Néri are u cʼojol i ma Mélqui. I ma Mélqui are u cʼojol i ma Adi. I ma Adi are u cʼojol i ma Cosam. I ma Cosam are u cʼojol i ma Elmodam. I ma Elmodam are u cʼojol i ma Er.

¹⁹ Y xuchꞌaꞌbꞌej ne upa ri rey Herodes ruma uꞌanom rixoqil che ri Herodías yey waꞌ wiꞌxoq e rixoqil ri Felipe ruchaqꞌ ri Herodes. Xuchꞌaꞌbꞌej kꞌu upa ruma taq ronoje ri na utz taj uꞌanom.

²⁰ Yey ri Herodes xuya ne más uwiꞌ ri na utz taj uꞌanom, ma xtaqan che kayaꞌ ri Juan pa cárcel.

²¹ Kꞌo kꞌu jun qꞌij echiriꞌ lik ukꞌiyal tikawex kakikꞌul ri bautismo, xopon ri Jesús y xukꞌul ri bautismo. Echiriꞌ katajin che uꞌanik orar, xjaqataj ruwa kaj

²² y ri Santowilaj Ruxlabꞌixel ri Dios xqaj lo puwiꞌ pachaꞌ juna palomax. Y xchꞌaw lo Jun chilaꞌ chikaj, jewaꞌ kubꞌiꞌij: «At riꞌat Nukꞌajol, y lik kꞌax katinnaꞌo. Lik kinkiꞌkot chawe» xcha che.

²³ Ri Jesús laj treinta rujunabꞌ echiriꞌ xujeq ri chak taqom lo che uꞌanik ruma ri Dios. Kabꞌiꞌx che ri Jesús, e ukꞌajol ri José. Yey ri José, e ralkꞌoꞌal ri Elí.

²⁴ Ri Elí e ralkꞌoꞌal ri Matat; ri Matat e ralkꞌoꞌal ri Leví; ri Leví e ralkꞌoꞌal ri Melqui; ri Melqui e ralkꞌoꞌal ri Jana; ri Jana e ralkꞌoꞌal ri José;

²⁵ ri José e ralkꞌoꞌal ri Matatías; ri Matatías e ralkꞌoꞌal ri Amós; ri Amós e ralkꞌoꞌal ri Nahum; ri Nahum e ralkꞌoꞌal ri Esli; ri Esli e ralkꞌoꞌal ri Nagai;

²⁶ ri Nagai e ralkꞌoꞌal ri Maat; ri Maat e ralkꞌoꞌal ri Matatías; ri Matatías e ralkꞌoꞌal ri Semei; ri Semei e ralkꞌoꞌal ri José; ri José e ralkꞌoꞌal ri Judá;

²⁷ ri Judá e ralkꞌoꞌal ri Joana; ri Joana e ralkꞌoꞌal ri Resa; ri Resa e ralkꞌoꞌal ri Zorobabel; ri Zorobabel e ralkꞌoꞌal ri Salatiel; ri Salatiel e ralkꞌoꞌal ri Neri;

²⁸ ri Neri e ralkꞌoꞌal ri Melqui; ri Melqui e ralkꞌoꞌal ri Adi; ri Adi e ralkꞌoꞌal ri Cosam; ri Cosam e ralkꞌoꞌal ri Elmodam; ri Elmodam e ralkꞌoꞌal ri Er;

¹⁹ Y xuchꞌaꞌbej ne upa ri rey Herodes ruma uꞌanom rixokil che ri Herodías yey waꞌ wiꞌxok e rixokil ri Felipe ruchakꞌ ri Herodes. Xuchꞌaꞌbej cꞌu upa ruma tak ronoje ri na utz taj uꞌanom.

²⁰ Yey ri Herodes xuya ne más uwiꞌ ri na utz taj uꞌanom, ma xtakan che cayaꞌ ri Juan pa cárcel.

²¹ Cꞌo cꞌu jun kꞌij echiriꞌ lic uqꞌuiyal ticawex caquicꞌul ri bautismo, xopon ri Jesús y xucꞌul ri bautismo. Echiriꞌ catajin che uꞌanic orar, xjakataj ruwa caj

²² y ri Santowilaj Ruxlabixel ri Dios xkaj lo puwiꞌ pachaꞌ juna palomax. Y xchꞌaw lo Jun chilaꞌ chicaj, jewaꞌ cubiꞌij: «At riꞌat Nucꞌajol, y lic cꞌax catinnaꞌo. Lic quinquiꞌcot chawe» xcha che.

²³ Ri Jesús laj treinta rujunab echiriꞌ xujek ri chac takom lo che uꞌanic ruma ri Dios. Cabiꞌx che ri Jesús, e ucꞌajol ri José. Yey ri José, e ralcꞌoꞌal ri Elí.

²⁴ Ri Elí e ralcꞌoꞌal ri Matat; ri Matat e ralcꞌoꞌal ri Leví; ri Leví e ralcꞌoꞌal ri Melqui; ri Melqui e ralcꞌoꞌal ri Jana; ri Jana e ralcꞌoꞌal ri José;

²⁵ ri José e ralcꞌoꞌal ri Matatías; ri Matatías e ralcꞌoꞌal ri Amós; ri Amós e ralcꞌoꞌal ri Nahum; ri Nahum e ralcꞌoꞌal ri Esli; ri Esli e ralcꞌoꞌal ri Nagai;

²⁶ ri Nagai e ralcꞌoꞌal ri Maat; ri Maat e ralcꞌoꞌal ri Matatías; ri Matatías e ralcꞌoꞌal ri Semei; ri Semei e ralcꞌoꞌal ri José; ri José e ralcꞌoꞌal ri Judá;

²⁷ ri Judá e ralcꞌoꞌal ri Joana; ri Joana e ralcꞌoꞌal ri Resa; ri Resa e ralcꞌoꞌal ri Zorobabel; ri Zorobabel e ralcꞌoꞌal ri Salatiel; ri Salatiel e ralcꞌoꞌal ri Neri;

²⁸ ri Neri e ralcꞌoꞌal ri Melqui; ri Melqui e ralcꞌoꞌal ri Adi; ri Adi e ralcꞌoꞌal ri Cosam; ri Cosam e ralcꞌoꞌal ri Elmodam; ri Elmodam e ralcꞌoꞌal ri Er;