Text copied!
Bibles in Buglere

Lucas 17:4-8 in Buglere

Help us?

Lucas 17:4-8 in Chube gerua jagere Jesucristo giti degaba kwian ulita alin: El Nuevo Testamento de nuestro Señor Jesucristo en el idioma buglere

4 Chui gbaite ama age me no bitaguke ba dollale gire bitaguke ama mo ta blite chke gerule ba ole: “Cha me age dare me no ba dollale”, bitaguke ama agedu me no ba dollale ba talla mlienga.
5 Jesu gerudu ene gire kwian geru jwannga Jesuge ulita gerudu Jesu ole: —Cha Chugagwalla, cha takalin ba cha ta gbe ma ngle no Chube gerua gai ulia.
6 Jesu gerudu: —Ba mo ta gbe sidri alin Chube gerua gai ulia gire bedre bedre Chube be ba ta gbe ama gerua gai ma ngle, e salengwli mostaza chudea soli tkakle, kle tige kle joge kweri kare. Ba mo ta gbe Chube gerua gai ulia ene, gire ba ñage gerule gli kweri ole: “Chieda keda, joga toi bleske”, ba gerule ene gli ole gire gli age ba gerudu kare.
7 Jesu gerudu dare kwian geru jwannga ole: —Ale gerule ba gweale kwian lle boanga molen, ba ama kage lle boi deage ama kle nga bate kle bda manade, bigwa chieni gudegu chke gwa gire ¿ba be gerule ama ole: “Bai toi dba aini blire cha ole”?
8 Ba mi age ene dale, ba be gerule ama ole: “Ba bligda dodadale cha alin cha gute, ba cha ulle ngeru gire bigwa ba ñage blire.”
Lucas 17 in Chube gerua jagere Jesucristo giti degaba kwian ulita alin: El Nuevo Testamento de nuestro Señor Jesucristo en el idioma buglere