10 ’Log mén ne rnii diznyaan por Men ne wdxiid wak Mén, zak men perdon; per le men ne rnii diznyaan por Espíritu Sant, nunk gakdet men perdon.
11 ’Chene tsazu mén de lenydoo o lo jwes o lo xtis, bet tsadet lextoo de gan pe yke de o gan pe gue de,
12 porke chene ydxiin orguin, laa Espíritu Sant yseleedx logne gue de.
13 Lad mén ne ndxin nga, wruu te men ne re lo Jesus: ―Maxter, gugue lo bech noo yniiz men ne ryal noo ne wsan xuz noo por noo.
14 Per wke Jesus, re Jesus lo men: ―Adxii, ¿txu wzu noo nee ne ylaa noo gyelextis u ne ygyiiz noo ne ryal mén?
15 No re Ne lo men yra men: ―Gugap kwent lo yralondxee gyelendeblextoo, porke mase rap xen mén, per let laadeto nak xgyelembán mén.
16 Lex wuu Ne zegnak te kwent lo yra mén guin, re Ne: ―Tebtir wuu te mgyeey ne rik; kesentyent wak yra ne wguu men lo xelyu men.
17 Lex wzob menrik guin wlebleedx men, re men: “¿Pezee ylaaleg noo? Yëten noo ledne gutsoow noo yra ne wak lo xelyu noo.”
