26 Ja kana japandru waltpwalto pirna pantjila nganai, ngangau tana japali kalkai mina wolja mita maruni wokara nanto; ngangau bakana pariwilpaia ngurula wiltjiwiltjila nganai.
27 Ja ngadani tanali Kanaia Ngatamura najila nganani talara palkujeli wokaranani ngurunguru ja pirna.
28 Ja jenia woninani, terkakanau ja mangatandra miririanau, ngangau kulkani jurani karakara wokarai.
29 Ja Nau jeribaka jaura tanangu jatana wonti: Najianau tandra nindri ja nindri warupoto.