35 Te té Lìpé ní cani‑dé cuèndú núú těe etiòpiá nàcuáa ní cáháⁿ ndíi Chàiá nàcuáa cada Jèsús òré quixi‑gá ñuyíú‑a. Te ní xáhaⁿ‑dě nàcuáa ndùu tnúhu Jèsús ndɨhɨ nàcuáa ní quide‑gá.
36 Te ñùhu‑güedé ichi cuáháⁿ‑güedé ní naníhí‑güedě ɨɨⁿ xichi núú ñúhú ndùte, te ní xáhaⁿ těe etiòpiá: —Iha ñùhu ndute, ¿te vá cúú cuàndute‑í iha‑ǎⁿ? —càchí‑dé xǎhaⁿ‑dě xii té Lìpé.
37 Te xǎhaⁿ tě Lìpé: —Te núu sàndáá ndisa iní‑n Jèsús, te cuu cuandute‑n —càchí‑dé xǎhaⁿ‑dě. Te ní xáhaⁿ těe etiòpiá: —Sàndáá ndisa iní‑í sá Děhe Yá Ndiǒxí cúú Xǐtohó Jesucrìstú —càchí‑dé xǎhaⁿ‑dě.
38 Te ní ngani‑dé carrètá, te ní nuu‑güedé ndɨ ndùú‑güedé, te cuánguee‑güedé xɨtɨ́ ndute, te ní dácuándùte ñaha té Lìpé xii‑dé.