Lomu 15:7-13 in Siane

⁷ Etito ya Kilistokafo lamoki koina wiyami yamaidana oti linate ya Goti wenenala muki yaki koina wiyalo. Aya mona yakafo Goti kuliya olu faka lenagoliye.

⁸ Aya yamu logimowe. Kolalo. Kilistokafo Goti kala ona kula yamu kolito, ya Goti ainala ukanigu fukamo Yuda wenena aunibo-kolofani ka lo mele gimami kalo winaiye, loto ani olu faka limo lono olu gedami ne.

⁹ Eti o gedami, ya ailo feka wenena yaki milumani kolami monawa ya eyeti Goti kuliya olu faka lenawae, loto eti o gedami ne. Aya yamu ka mono lufuwau ya ka ma eti limo, Etito ya ailo feka wenena minagu yau keboka loto, kulika olu faka lenami nema lo minenagolowe, loto (Sng 18:49),

¹⁰ ido ka ma eti limo, Linate ailo feka wenena yaki aimola wenenalaki lakoina seti-muludigu lalo kolalo, loto (Lo 32:43),

¹¹ ido ka ma eti limo, Linate ailo feka wenena muki ya Wekola ebola-abola lalo. Mikaumikau minamo wenena muki ya kuliya olu faka lenawae, loto (Sng 117:1),

¹² ido ka ma Aisaiyakafo eti limo, Yesi ufa fiyami wenena yauti we ma oloto pito enami, ya dito minoto u mikau-mikau minamo wenena kiyabani we wenaba minenami, ya ailo feka wenena amomu koliti kiyabala enawae, loto (Ais 11:10) ka mono lufuwau ya nemo ne.

¹³ Ena amomu kolito kiyabala o-o minonimo mona aboga Goti yakafo koli kikito umunawagu yau you amene mona ido lalo kolinawamo mona ya seti-muludigu mele faito gedenami, ya Ouna Felegaga aumala yakafo amomu koliti kiyabala enawamo mona kulawa ya olu oloto pi gedemo dinaiye.

⁷ Feito ya Kilistokafo lemogi houna ibo yamaidana oti hemotina ya Goti weninala muki yagi houna iyalo. Aya mona yakafo Goti huliya li faka lanogolaiye.

⁸ Aya yagunu lobiyowe. Holilo. Kilistokafo Goti hala ona hula yagunu holito, ya Goti anela utinau fukabo Yuda wenina awatinafo-holofatina ha lo molo bibo halo inaiye, loto adina li faka libo onona li betibo ne.

⁹ Feto fe betibo, ya eito feka wenina yagi milumatina holibo monawa ya wati Goti huliya li faka lanae, loto feto fe betibo ne. Aya yagunu ha mono lufuwau ya ha ma feto libo, Feito ya eito feka wenina minagu yau heboka loto, hulika li faka lanaibo nama lo minanogolowe, loto (Sng 18:49),

¹⁰ ido ha ma feto libo, Hemotina eito feka wenina yagi eimola weninalagi maina lutina-hatinau dowa loti holilo, loto (Lo 32:43),

¹¹ ido ha ma feto libo, Hemotina eito feka wenina muki ya Wenaba ebola-abola lilo. Mikau-mikau minabo wenina muki ya huliya li faka lanae, loto (Sng 117:1),

¹² ido ha ma Aisaiyakafo feto libo, Yesi yufa fibo wenina yauti we ma oloto pito anaibo, ya yoto minoto u mikau-mikau minabo wenina hiyabatina we wenaba minanaibo, ya eito feka wenina emogunu holiti hiyabala anae, loto (Ais 11:10) ha mono lufuwau ya nebo ne.

¹³ Ena emogunu holito hiyabala o-o minonibo mona yawala Goti yakafo holi hikito munagu yau you amena mona ido dowa holinabo mona ya lutina-hatinau molo faito betinaibo, ya Weuna Fele aubala yakafo emogunu holiti hiyabala anabo mona hulawa ya li oloto pi betimo yonaiye.