Text copied!
CopyCompare
Dhao Alkitab - Lii Lolo nèti Dhèu Pajuu-paleha - Lii Lolo nèti Dhèu Pajuu-paleha 13

Lii Lolo nèti Dhèu Pajuu-paleha 13:15-20

Help us?
Click on verse(s) to share them!
15Lodꞌo èèna, ra baca ètu sasuri Musa, dènge sasuri dhèu rèti lii padhai Lamatua dhu leo kahèi. Èle èèna ka, ama-ama èmu sabajꞌa èèna, manèngi Paulus si, peka na, “Ama-ama! Ladhe miu dènge lii haholo ho paꞌèra dꞌara jiꞌi, na, jiꞌi manèngi sèna ka miu peka laa.”
16Hèia Paulus kako asa madha laꞌe. Ka na hia tadha dènge kacui-aai na, sèna ka rèngu mau-mau. Èle èèna ka, na padhai lii, peka na, “Aꞌari dhèu Israꞌel ti! Dènge ina-ama dhèu leo dhu maso agama Yahudi, lula dꞌara miu dꞌèi padètu dènge Ama Lamatua dhèu Israꞌel. De jaꞌa manèngi sèna ka miu nanene paie lii padhai jaꞌa.
17Ama Lamatua hagꞌe nare le bèi-baki èdhi dhèu Israꞌel nèti uru ka mai. Lodꞌo rèngu pea ètu rai Masir, kabarai dhèu, Lamatua hia rèngu mamuri hua iia. Ana-èpu rèngu tabha ae ètu era èèna. Limuri mai, ka Lamatua pake koasa kapai Na, ho Na kalua eele rèngu nèti rai Masir.
18Èle èèna ka, rèngu mamuri pidha-pidha ètu dꞌara mamoo toke dꞌai èpa nguru tèu. Masi ka rèngu kètu hadhu, te ngaa Lamatua lere si dènge dꞌara dhu taleo.
19Èle èèna ka, Lamatua palaho aaꞌi pidhu suku ètu rai Kanaꞌan. Ka Na pabagi rai rèngu mi bèi-baki èdhi ho jꞌajꞌi rai pusaka ra.
20Bèi-baki èdhi mamuri sèmi èèna toke dꞌai 450 (èpa ngasu lèmi nguru) tèu. Ka Ama Lamatua padhèdi dhèu pamaꞌète lii langu, sèna ka pajꞌujꞌu jꞌara hia si, toke dꞌai Na padhèdi hia si dhèu nèti lii padhai Lamatua èci, ngara na Samuel.

Read Lii Lolo nèti Dhèu Pajuu-paleha 13Lii Lolo nèti Dhèu Pajuu-paleha 13
Compare Lii Lolo nèti Dhèu Pajuu-paleha 13:15-20Lii Lolo nèti Dhèu Pajuu-paleha 13:15-20