11 Iwe, a angei ekis seni ewe löön epit o äsupu fän fisu ngeni ewe rongen asor, a epiti ewe rongen asor me pisekin meinisin pwal ewe lenien töttöl me motongan, pwe repwe pin.
12 A pwal ninätiu ekis seni ewe löön epit won möküren Aaron o epiti pwe epwe pin.
13 Mürin, Moses a emwenato nöün Aaron kewe mwän, a aüföüfa ngeniir ekewe söch o peliti ngeniir ekewe pelit, a pwal aimweimwa ngeniir ekewe akkaw, usun ewe Samol mi Lapalap a allük ngeni.
14 Mürin, Moses a emwenato ewe ätemwänin kow fän iten asoren tipis, nge Aaron me nöün kewe mwän ra isetä pöür won möküran.
15 Iwe, Moses a niela ewe mönün asor, a angei ekis chan o aea pöün le tofi ewe cha ngeni mächän ewe rongen asor me fofoch, pwe epwe alimöchü ewe rongen asor. Nge lusun ewe cha a ninätiu lepopun ewe rongen asor o apini, pwe epwe föri asoren amusamusen limengauen ewe rongen asor.
16 Mürin, Moses a angei kirisin pisekin lon inisin ewe mönün asor me mwärekeon ammünün, pwal ekewe ruoföü föün lon fiti kirisir, o kenirela won ewe rongen asor.
17 Nge silin ewe ätemwänin kow me fitukan pwal taran a kenirela lükün ewe ia ra nonom ie, usun ewe Samol mi Lapalap a allük ngeni.
