5 “Embe akêŋ da daŋge êndêŋ Apômtau, go akêŋ ŋalêŋ gebe ênac Apômtau mataanô ŋajamgeŋ.
6 Êndêŋ bêc, taŋ akêŋ da tau naŋ, to bêc, taŋ êndaŋguc naŋ, aniŋ da tau e êmbacnê. Gêŋ ŋagêdô-gêdô, taŋ ênêc e êndêŋ bêc êtu têlêac naŋ, ja êniŋ su.
7 Ma embe aniŋ êndêŋ bêc êtu têlêac, naŋ oc êtu gêŋ geŋeŋ ma oc ênac aê matocanô ŋajam atom.
8 Ma teŋ embe êniŋ, oc êtu tôp êndêŋ eŋ gebe eŋ gêgôm Apômtaunê gêŋ dabuŋ teŋ kêtu sec, ma senseŋ eŋ su aŋga nê lau nêŋ.
9 “Ma êndêŋ taŋ amacnêm gamêŋ ŋakôm ŋanô êsa naŋ, go anac sa e êndêŋ kôm ŋamadiŋ samucgeŋ atom, ma ajoŋ gêŋ ŋasaliŋ-saliŋ sa êtu ŋamu atom.
