5 Mus ko pi grain ni i tugul rok nda un yung ma ku dab mu t’ared wom’ngin, ma ku dab mu kunuyed wom’ngin e woldug romed ni grape nda um tamilang niged owchen; ya re duw nem e nge toffan e but’ riy.
6 Yug aram rogon ni da ni wolduguy e but’ ko re duw nem, ma ra pi’ e ggan ni fan ngomed, nge pi sib romed, nge pi’in yad be maruwel romed, nge pi girdi’ nu boch e nam ni yad be par romed,
7 nge pi gamanman ni gimed ma chugliy, nge pi gamanman ni malboch u daken e yungi flang. Gubin ban’en nra pi’ e but’ ko ngiyal’nem ma yira kay.
8 Mu the’eged medlip yay e medlip e duw, ma urngin u gubin e aningeg i ragag nge mereb e duw.
