Levitikus 14:43-54 in Yapese

⁴³ Ma fa’an ku ra sum bayay fare pthethaw u lan fare naun nga tomuren ni kan chuweg fapi malang ma kan ker e thal ni langgin e rungrung u ba’an naun,

⁴⁴ ma nge yan fare prist i guy fare naun. Ya fa’anra ke garar i yan fare pthethaw u lan fare naun ma aram e ke ta’ay fare naun.

⁴⁵ Ma aram e ngan buthug fare naun nga but’, ngan fek e malang riy, nge gek’iy, nge urngin e yungi rungrung riy i yan nga bang nib ta’ay u wuru’ fare binaw.

⁴⁶ Yug ra yan be’ ngalan fare naun ko ngiyal’ ni kan man’nag mra par nib ta’ay nge mada’ ko blayal.

⁴⁷ Ma demturug be’ nra mol nga but’, ara abich u lan fare naun ma thangri luknag e mad rok.

⁴⁸ Fa’anra yib fare prist ni nge guy fare naun bayay ma daki sum fare pthethaw bayay nga tomuren ni kan thilyeg e rungrung riy, ma aram e nge yog ni daki ta’ay fare naun, ya ke chuw fare pthethaw ni ga’ngin.

⁴⁹ Me fek fare prist l’agruw i arche’, nge bang i ren ni cedar, nge ba gaf nib row, nge boch pa’ i gek’iy ni hyssop, ni nge be’echnag fare naun bayay.

⁵⁰ Me li’ reb fa gali arche’ nge yim’ u lan barba’ i dabiy nni ngongliy ko but’ ni bay e ran riy nib kak’ling.

⁵¹ Me fek fare gi ren ni cedar, nge fachi pa’ i gek’iy ni hyssop, nge fa yil’ i gaf nib row, nge fabinem e arche’ ni kabfos nge chulthag ni gubin nga fithik’ i racha’en fabinem e arche’ nike li’ ke yim’ u fithik’ fare ran. Me atngiy fare prist e racha’ riy ni medlip yay nga downgin fare naun.

⁵² Aray rogon ni nge be’echnag fare naun nga racha’en fare arche’, nge fapi ran, nge fabinem e arche’ ni kabfos, nge fare gi ren ni cedar, nge fachi pa’ i gek’iy ni hyssop, nge fa yil’ i gaf nib row.

⁵³ Ngemu’ me pag fare arche’ ni kabfos nge changeg nga wuru’ e binaw nga daken e tafelfel’. Aray rogon ni nge bangbengnag fare naun, ma aram e ke be’ech.

⁵⁴ Irera’ e pi gafal ni gafalngin e m’ar ko dowef ni ubchiya;