9 Bona inai beredi be Arona bona iena natuna taudia edia, inai beredi be gabu helagana ta dekenai do idia ania. Lohiabada ena lahi dekenai gabua bouboudia ibounai edia huanai, inai boubou sibona be helaga herea. Noho hanaihanai taravatuna be inai.”
10 Tau ta, iena sinana be Israela hahine ladana Selomiti Dibiri, Dano iduhu hahine, bona iena tamana be Aigupito tauna, be kamepa lalonai Israela korikori tauna ta danu idia heai.
