26 Minsan hendei kew ed-ubpà, ne kenè kew megkaan te lengesa te langgam ragkes en is lengesa te tagbis.
27 Is minsan hentei he egkaan te lengesa, ne kenè niw en isipa he zuma niw.
28 Mid-uman medsuǥù is Nengazen ki Moises
29 he keǥiya zin heini ziyà te menge Israilihanen: Is minsan hentei he ebpemuhat te pemuhat he para te meupiya he kedepità, kinahanglan he mebeǥey sikandin te vahin kayi he pemuhat diyà te Nengazen he iyan ebpekezawat duen is menge memumuhat.
30 Heini he pemuhat, ne uwita zuen te ebpemuhat diyà te pemuhatà. Uwita zin is tavà wey is kumeng duen te uyaǥen, ne ivayew zin sikan is kumeng diyà te etuvangan te Nengazen su pemuhat he ibayew.
