5 Ne kenè niw zaan reǥuna wey kenè niw ivelegyà is menge pungu etawa menge veǥas te menge pinemula he nenuvù dà.
6 Piru egkehimu heini he egkeenen niw zuma te menge suluǥuen niw, menge terebahanti niw, wey te kenà menge Israilihanen he mid-ubpà duma keniyu,
7 te menge uyaǥen niw, wey te leew he menge langgam he zutun te tanè niw.
8 Dutun te kada ike-49 he tuig, te ikesepulù he andew te ikepitu he vulan he iyan kes Andew te Kebelukas te menge etew tenged te menge salè dan, ipezaǥing niw is menge vudyung diyà te tivuuk he lugar niw.
