27 “Muri na hini a rata a naro nga, pali mu tababana ni tagege mu longotaro a ngavagu,
28 bara tahate hateka na naro hale mu rata, iau kunana a habi a nimadihi dagi hateka ne mua.
29 Muri bara mu vitolo hateka, mu rabalaki mu kani e huriki e tune mua.
30 Iau bara ratapile a maka roho na nivasileki na maka vure ne mua meli na lolo, bara puka a maka dede na havu mangisipa. Bara rabalaki mua, a voro rike a podane mua na hanuna vure a ratapile muga pali. Lakea bara marikoi hateka ne mua.
31 Ga ratapile a tanga dagi, a roho na nivasileki ne mua. I uka ma ga ngaru a maka nihabi mu rata.
