20 Bara bakovi i ubiputu a tuhana viri, mu koli mu ubiputua a tuhana. A bakovi i ratapile a matana viri, mu koli mu ratapilea a matana. A bakovi i ubisigo a ngina viri, mu koli mu ubisigo a ngina. A bakovi i rata hale navai a viri, mu koli mu rata mavongea.
21 A bakovi i rabalaki a kanirau, ge kolia a kanirau i rabalakia. Pali a bakovi i rabalaki a viri, a bakovi iea ni gi rabalaki.
22 Ra vinara iea ne vona e mua e huriki a tahotanga ne Israel, turana a mosi ri made turane mua. Iau e BAKOVI DAGI, a Vure ne mua, a takia a ngava iea.”
23 Muri e Moses i taki e huriki a Israel, ri turari talea ra bakovi i harogia a Vure, ri padimatea na kedo. Na naro iea kunana e huriki a Israel ri ramaia a vinara e BAKOVI DAGI i vakuku e Moses vona.
