26 “Ra bakovi i taparakia a meme i lakea ne Asasel, ge kali tala a maka varakia vona, ge hilolo, ge dili tabu na mada.
27 Ri gi bole tala na mada a bulmakau, a meme, ra muga ni bole lakea na Tabeke Nitaba Hateka a darane rua ne vona a nihabi na naro hale. Ni gi gutu a kuline rua, a bobone rua, a tahene rua, ri gi vuro lobo liu.
28 Ra bakovi i gutu-vuro a sipsip, a bulmakau nga, ge vano ge vahilolo a nirodo vona, ge hilolo ia, muri ge dili tabu na mada.”
29 E BAKOVI DAGI i ta tabu, “Mu ramai vakaroroa a vinara iea. Na ravuluna parava, na poloruana keva, mua a Israel turane huriki a mosi ri made ne mua, mu peremu na kinani, naha ni raulo, naha ni leho, mu malo kunana.
30 A vuhuna na parava iea kunana a prister ge rata a nihabi ne vona ni kavitagu mua, bara mu matapado na matane BAKOVI DAGI.
