14 A prister ge bole ranga darana sipsip ge ravu polotano na talingana kanena bakovi. Ge bole tabu ranga ge ravu na kukukoru na limana a vahana a kanena.
15 Muri a prister ge bole a namona oliv ge guru langa na bolana limana a maurina.
16 Muri ge lutua na namona oliv iea a kukulimana a kanena, ge voro tamali balaka polorua na matane BAKOVI DAGI.
17 I ranga namona oliv i tababana ni gi ravu na talingana kanena bakovi ra ni vakamatapado, na kukukoru na limana kanena, na kukukoru na vahana kanena, polomeli na dara na nihabi na rarenga.
18 A namona oliv i tababana na limana, a prister ge ravu na gina bakovi ta ni gi vakamatapado, ge kavitagua na matane BAKOVI DAGI.
19 Muri a prister ge habi a nihabi na naro hale, ge kavitagua a bakovi ge matapado. Muri ge rabalakia a tuna sipsip ne vona a nihabi gutu-vuro.
20 Muri ge habia a sipsip, a bulmakau iea na dede, turana a nihabi na vit, ge kavitagua a bakovi iea, ge matapado.
