1 (Ama téréyaiguc eŋeŋawac legic.) Israel imi deguc yomuhuc hia ʒémac; Ieneŋ komocna igucnec haisisiric eŋeŋa waŋ néŋaŋgic.
2 Ieneŋ komocna igucnec haisisiric waŋ néŋaŋgic waŋu kileŋ ménda nogicgic.
3 Ieneŋ baec aiiguc takareŋ éséanʒu ésécnec gemacnaiguc wizi horua mihicŋi néŋgic.
4 Waŋu Yawe imi solaŋa kecʒac imuac niŋ kaiʒiliweŋ ic ieneŋ ɋaté nénécmigic heyec hésa imi héricma hulac nénécmiyec.
5 Zionac méʒé titi waŋanʒu imi gamu qeqe mihicŋi énécmiyu mocʒoŋ yanda andé andé kemma baecginaiguc liliŋgéma kendacmu.
6 Ieneŋ imi ama qahaiguc ɋézézac hicŋima ménda yandimanec ɋasianʒac ésécnec wammu.
7 Qinʒiŋ imuhucya imi komocdiadac imuac niŋac dérécgéanʒac iwac tétéyaiguc me qericanʒac iwac mériaiguc hia ménda sécgémac.
8 Ic imuhucya ionac imi ic kiaŋ keŋha waŋanʒu imi eneŋ acguc inictegicma mériaŋ ac yomuhuc ménda énézéanʒu; “Yaweac mériaŋnéŋ onac muru hema kecmac!” “Yaweac qaraiguc mériaŋ ac waŋ énécmiziŋ!”
