21 Zɔi a vɔɔɠuna anii ta ʋa, nii kɔzɔai, nuɓusɛi kɔzɔai, ɓaa suai kɔzɔai, ɓaa ani nɔpɛ é ga kɔzɔba anii, é ziilɛi zalaɠa zuai mi, é ga Ɠɔoɠɔ GALAGI nɔnɔi, naama nui ɓe ka leʋe ná-nuɓusɛiti ba.»
22 Ɠɔoɠɔ GALAGI ɓɔɛni Moize ʋɔ, é ɠɛ ma:
23 «Ɓɔɛ Izelayɛle nuiti pɔ, è ɠɛ ti ma: À mina nikɛ, ɓaa baala, ɓaa boli wulɔi mi ɲɛgɛlɛin.
24 Suai saai ɓɔɠɔ ʋɛ, ɓaa dɔɓɔ zuai ta paai, naama wulɔi ɠa zoo é ɠɛ ga wo-maavai ta ɠɛɛ anii nɔ, kɛlɛ wo la mia ɲɛgɛlɛin.
25 Zɔi a suai ma wulɔi ta mi, é ɠulazu ga zalaɠai, é ɠalazu abui ɠa Ɠɔoɠɔ GALAGI ʋɛ, naama nui ɓe ka leʋe ná-nuɓusɛiti ba.
