14 «Ni zunui ta a anzanui ta dee zeɠena, é ti felegɔ zei ga anza, naa ɠa ga faa ɲɔu wola. Ta ti saʋagɔ ɠala, naa ɠa a kɛ faa ɲɔu wolai naa mina yɛ wo zaama.
15 «Ni zunui ta a laana ga suai, wa zunui naa ʋaa, wo suai ɓalaa paa.
16 Ni anzanui ta a maaɓuɠana suai ta ʋa, é la koba, wa anzanui ʋaa, wo suai ʋaa. Ta ti pɛ paa, ti-ma ɲamai ɠa la ti unma.
17 «Ni zunui ta a ná-seelai zeina ga anza, kɛɛɠɛ ná-doun anzanui, ɓaa dee ná-doun anzanui, é naa unfega, ta é ɓɔɠɔ unfega. Unfetala vaa wola ɠana, ti ɓe ka leʋe ta-nuɓusɛiti ba, naa ɠa ɠɛ ta-nuiti pɛ gaazu. Zunui naa é ná-seelai unfegai, ná-faaɠaaza golai ma ɠasɔi ɠa la unma.
