LAASUNDE 5:7-16 in Busa

LAASUNDE 5:7-16 in Luda yã takada kũ Bisã yão

⁷Nana dasi ona kũ yã dasi bↄtɛnaao dì su kũ yã pãomɛ. Abire yãi ǹgↄ̃ Luda vĩna vĩ.

⁸Tó n è òtɛn gbãna mↄ takasidenↄnɛ gukea, òtɛn gíńnɛ kũ yãzɛdeo òtɛn yã gↄ̃gↄ̃ńnɛ a zɛ́aro, ǹsun tó yã pì bo n sarɛro, zaakũ bùsuu pì gbãnadenↄ tɛn wɛ́ dↄkↄ̃i, akũ ń gbɛ̃ zↄ̃kↄ̃nↄ tɛn wɛ́ dↄńyĩ dↄ.

⁹Ń pínki dì bùsuu pì baka blemɛ, zaakũ kína mɛ́ à buranↄ vĩ.

¹⁰Gbɛ̃ kũ à ye ↄgↄↄi dì kĩaa, gbɛ̃ kũ à ye aruzɛkɛii àree dì mↄ́aro. Abirekũ pãmɛ dↄ.

¹¹Tó aruzɛkɛ tɛn kara, a blèrinↄ dìgↄ̃ karamɛ. Bↄ́ àreen à vĩ a dikiriinɛɛ? À wɛ́ pitia baasiro.

¹²Zĩgbãnakɛrii dì i nna o à pↄ́ blè fítin yá ke dasin yá. Aruzɛkɛde sↄ̃ a pↄ́ dasi dì tó à i oro.

¹³Ma nɛ̀sɛyakana yã pãsĩ è andunia gũn, gbɛ̃ke zɛ́ tàta a ↄgↄdalɛ à a zĩda karii bò,

¹⁴akũ à bↄkↄtɛ vãni kɛ̀o, a aruzɛkɛ làka pínki. Kũ à nɛ́gↄ̃gbɛ̃ ì, à pↄ́ke vĩ kũ à tónɛro.

¹⁵Bisãsiri dì bo a da gbɛrɛn pótompomɛ. Lákũ à sù nà lɛn àdi ɛra à tá lɛ dↄ, àdi a zĩ àre ke le à sɛ́ à na a ↄĩ à táoro.

¹⁶Abirekũ bi nɛ̀sɛyakayã pãsĩmɛ dↄ. Lákũ gbɛ̃ sù nà lɛn àdi ɛra à tá lɛ dↄ. À ísimma wàra à pɛ̀ gukoria pã, bↄ́ mɛ́ à gↄ̃̀nɛɛ?

LAASUNDE 5 in Luda yã takada kũ Bisã yão