7 Nangin thudih tah a thutannadeijin thilse nathet ahi. Hijehchun Pathen- nang Pathen chunthao nanu ahitai, lengdang sanganang chungahi kipa le thanopnathaotwi chu nasunlhah khum ahitai.
8 Myrrh, aloes, chuleh cassia honnavon anamtwi sel e. Saiha a kisemkhopia chu tumging ngaitah anakilamto ding ahi.
9 Leng Chanute chu na numeinunnem te lah a aum un. Najetlanga ophir sana hoipen ho a kijemlengnu ading e.
10 O leng chanu te kathusei ngaiun; amapa hi jabol un ajeh chu amahi na Pakai pau ahi.
11 Ajeh chu sahlut tah naji hi namelhoinan alunglhai sel e; jabol in, ajehchu amapa hi na Pakai pa ahi.
12 Tyre lengpa chanuten jong kipathilpeh tampi nahung pehdiu ahi. Mihaoten nalung lhaina ding ahinholdiu ahi.
13 Mounu, leng chanu, chu akivonna sana a kisem sangkholchol a chu iti vetnom um hitam.
14 Hiche avon loupi tah kivon in lengpa kom lam a ahin pui un, anunjui nungah hochutoh apuilut un ahi.
15 Kipah tahle thanom tah a leng inpi sunga ahung akijot lut uchu iti lou a loupi hitam!
16 Nachate jong apa tobang a leng hung hicheh ding ahiuve. Nangin amaho chu gam tamtah a lenga napan sah ding ahi.
