ዬሱሲ ኪቴዳዋንቱ ኦሱዋ 22:13-23 in Dawro

¹³ ሃናኒ ታኮ ዪዴ፥ ታ ማታን ኤቂዴ ታና፥ ‹ታ ኢሻው ሳዖላ፥ ፄላ› ያጌዳ። ታኒ ሄ ዎዴ ሄ ማንዒያንካ ኣኮ ፄላ ኣጋዲ።

¹⁴ «ኢ ታና ሃዋዳን ያጌዳ፤ ‹ኑ ኣዋቱዋ ፆሳይ ኔኒ ኣ ቆፋ ኤራናው፥ ኣ ፂሎ ናዓ ቤዓናዉኔ ኣ ዶናፔካ ሃሳያ ሲሳናው ኔና ካሴና ዶሬዳ።

¹⁵ ኣዪሲ ጎፔ፥ ኔኒ ቤዔዳባኔ ሲሴዳባ ኣሳ ኡባ ሲንꬃን ኣው ማርካታናሳ።

¹⁶ ሃዒካ ኣያው ጋሚዓይ? ዴንዳዴ ፃማቄታ፤ ኣ ሱንꬃ ፄሳዴ፥ ኔ ናጋራፔካ ሜጬታ› ያጌዳ።

¹⁷ «ታኒ ጉዬ ዬሩሳላሜ ሲማዴ ጌሻ ጎሊያን ዎሲሺን፥ ታ ኣያናን ጊዳዲ።

¹⁸ ጎዳይ ታና፥ ‹ኤሌላዴ፥ ዬሩሳላሜ ኬሳ ኣያው ጎፔ፥ ኔኒ ታው ሃዋን ማርካቲያዋ ኣሳይ ኣኬና› ያጊሺን ታኒ ኣ ቤዓዲ።

¹⁹ «ታኒ፥ ‹ታ ጎዳው፥ ኣዪሁዳ ዎሳ ጎሊያ ኡባን ኔና ኣማኒያዋንታ ኦይቃዴ ዋꬌዳዋኔ ቃሾ ጎሊያን ዬጌዳዋ ኡንቱንቱ ኤሪኖ።

²⁰ ኡንቱንቱ ኔ ማርካ ኢስፂፋኖሳ ዎꬊያ ዎዴ፥ ታኒ ሄ ዬዉዋ ኤኖ ጋዲ። ቃሲ ኡንቱንቱ ሚዪያን ኤቃዴ፥ ኣ ዎꬊያዋንቱ ማዩዋ ናጋይ› ያጌዳ።

²¹ «ጎዳይ ታና፥ ‹ታኒ ኔና ኣዪሁዳ ጊዴና ኣሳኮ ሃኮሳ ኪቲያ ዲራው ባ› ጌዳ» ያጌዳ።

²² ጳዉሎሲ ሄ ቃላ ሃሳያና ጋካናው ኣሳይ ኢ ጊያዋ ሲሴ፤ ሄዋፔ ጉዪያን፥ ባሬንቱ ኮሻ ꬎቁ ኦꬂዴ፥ «ሃዋ ጋዲያፔ ꬋዪሳ፤ ኢ ዴዓናው ቤሴና» ያጌዲኖ።

²³ ኡንቱንቱ ዋሲሺን፥ ባሬንቱ ማዩዋ ቦላው ኦሊሺኒኔ ባና ጫርኩዋን ላሊሺን፥ ኦላ ካፑ ዎታዳራቱ ጳዉሎሳ ባሬንቱ ዴዒያሳ ኣፋና ማላ ኣዛዜዳ። ቃሲ ኣሳይ ኣዪሲ ሄዋዳን ኣቦላ ዋሴዲኖንቶ ኤራናው፥ ጳዉሎሳ ሊሱዋን ሾጫና ማላ፥ ኡንቱንታ ኣዛዜዳ።

¹³ Hanaanii taakko yiide, ta matan eqqiide taana, ‘Ta ishaw Saa7oolaa, xeella’ yaageedda. Taani he wode he man77iyankka aakko xeellaa aggaaddi.

¹⁴ “I taana hawaadan yaageedda; ‘Nu aawatuwa Xoossay neeni A qofaa eranaw, A xillo Na7aa be7anawunne A doonaappekka haasayaa sisanaw neena kasenna dooreedda.

¹⁵ Ayissi gooppe, neeni be7eeddabaanne siseeddabaa asaa ubbaa sinthan aw markkattanaassa.

¹⁶ Ha77ikka ayaw gami77ay? Denddaade xammaqetta; A sunthaa xeesaadde, ne nagaraappekka meecetta’ yaageedda.

¹⁷ “Taani guyye Yeerusalaame simmaade Geeshsha Golliyan woossishshin, ta ayyaanaan gidaaddi.

¹⁸ Goday taana, ‘Elleellaade, Yeerusalaame kesa ayaw gooppe, neeni taw hawaan markkattiyaawaa asay akkenna’ yaagishshin taani A be7aaddi.

¹⁹ “Taani, ‘Ta Godaw, Ayihuda woosa golliyaa ubbaan neena ammaniyaawantta oyqqaade wadhdheeddawaanne qasho golliyaan yeggeeddawaa unttunttu eriino.

²⁰ Unttunttu ne markkaa Isxxifaanoosa wodhiyaa wode, taani he yewuwaa eeno gaaddi. Qassi unttunttu miyyiyaan eqqaade, A wodhiyaawanttu mayuwaa naagay’ yaageedda.

²¹ “Goday taana, ‘Taani neena Ayihuda gidenna asaakko haakosaa kiittiyaa diraw ba’ geedda” yaageedda.

²² Phawuloosi he qaalaa haasayana gakkanaw asay I giyaawaa sisee; hewaappe guyyiyan, barenttu kooshshaa dhoqqu oothiide, “Hawaa gadiyaappe dhayissa; I de7anaw bessenna” yaageeddino.

²³ Unttunttu waassishshin, barenttu mayuwaa bollaw olishshiininne baanaa carkkuwan laalishshin, olaa kaappuu wottaaddaratuu Phawuloosa barenttu de7iyaasaa afana mala azazeedda. Qassi asay ayissi hewaadan aabolla waasseeddinontto eranaw, Phawuloosa lissuwan shocana mala, unttuntta azazeedda.