ዬሱሲ ኪቴዳዋንቱ ኦሱዋ 18:2-8 in Dawro

² ሄዋን ኣቂላ ጊያ ኢቲ ኣዪሁዳ ቢታኒያ ዴሜዳ፤ ኣቂላይ ጳንፆሳን ዬሌቴዳ፤ ኣዪሁዳ ኣሳይ ኡባይ ሮሜፔ ኬሳና ማላ፥ ቃላዉዴዮሲ ኣዛዜዳ ዲራው፥ ኣማሬዳ ዎዲያፔ ካሴ፥ ኢ ባሬ ማቻቲ ጲሪስቂላና ፃሊያፔ ዬዳ፤ ጳዉሎሲ ኡንቱንቱና ጋኬታናው ቤዳ።

³ ኣ ኦሱኔ ኡንቱንቱ ኦሱ ኢቲ ማላ ዱንካኒያ ሲካ ጊዲያ ዲራው፥ ኡንቱንቱና ኡቲዴ፥ ኢቲፔ ኦꬄዳ።

⁴ ጳዉሎሲ ሳምባታ ኡባን ኣዪሁዳቱዋና ጊሪካቱዋ ኣማንꬃናው ኣዪሁዳ ዎሳ ጎሊያን ፓሉሜቴ።

⁵ ሲላሴኔ ፂሞቶሴ ማቂዶኒያፔ ዬዳ ዎዴ፥ ጳዉሎሲ ኣዪሁዳቱዋሲ ዬሱሲ ባሬ ሁጴው ኪሪስቶሳ ጊዴዳዎ ቃላ ኦዱዋ ቶሌዳ።

⁶ ሺን ኡንቱንቱ ጳዉሎሳ ሃሳያ ጳልቂናኔ ኣ ቦሪና፥ ጳዉሎሲ ባሬ ማዩዋፔ ባና ቆቆፊዴ፥ «ሂንቴንቱ ኢታቴꬃይ ሂንቴንታ ኦይቆ፤ ታኒ ሄዋን ጌሊኬ፤ ሃዋፔ ሂኒ ባጋን ታኒ ኣዪሁዳ ጊዴና ኣሳኮ ባይ» ያጌዳ።

⁷ ሄዋፔ ኬሲዴ፥ ፆሳሲ ጎዪኒያ ዮስፆሳ ጊያ ቢታኒያ ሶይ ቤዳ፤ ዮስፆሳ ጎሊ ኣዪሁዳ ዎሳ ጎሊያ ማታን ዴዔ።

⁸ ኣዪሁዳ ዎሳ ጎሌ ካፑ ቃሪሲጶሲ ባሬ ሶይ ኣሳ ኡባና ጎዳ ኣማኔዳ፤ ቆሮንቶሳ ኣሳቱዋፔካ ጮራቱ ፆሳ ቃላ ሲሴዳ ዎዴ፥ ኣማኒዴ ፃማቄቴዲኖ።

² Hewaan Aqiilaa giyaa itti Ayihuda bitaniyaa demmeedda; Aqiilay Phanxxoossan yeletteedda; Ayihuda asay ubbay Roomeppe kesana mala, Qalawudeyoosi azazeedda diraw, amareedda wodiyaappe kase, I bare machchatti Phirisqqillaanna Xaaliyappe yeedda; Phawuloosi unttunttunna gakettanaw beedda.

³ A oosuunne unttunttu oosuu itti mala dunkkaaniyaa sikaa gidiyaa diraw, unttunttunna uttiide, ittippe ootheedda.

⁴ Phawuloosi Sambbataa ubbaan Ayihudatuwaanna Giriikatuwaa ammanthanaw Ayihuda woosa golliyaan palumettee.

⁵ Sillaasenne Ximootoose Maqidooniyaappe yeedda wode, Phawuloosi Ayihudatuwaassi Yesuusi bare huuphew Kiristtoosa gideeddawoo qaalaa oduwaa toleedda.

⁶ Shin unttunttu Phawuloosa haasayaa phalqqinanne A borina, Phawuloosi bare mayuwaappe baanaa qoqqofiidde, “Hinttenttu iitatethay hinttentta oyqqo; taani hewaan gelikke; hawaappe hini baggan taani Ayihuda gidenna asaakko bay” yaageedda.

⁷ Hewaappe kesiide, Xoossaassi goyinniyaa Yosxxoosa giyaa bitaniyaa soy beedda; Yosxxoosa golli Ayihuda woosa golliyaa matan de7ee.

⁸ Ayihuda woosa golle kaappuu Qarisiphphoosi bare soy asaa ubbaanna Godaa ammaneedda; Qoronttoosa asatuwaappekka coratuu Xoossaa qaalaa siseedda wode, ammaniide xammaqetteeddino.