ዬሱሲ ኪቴዳዋንቱ ኦሱዋ 18:11-26 in Dawro

¹¹ ጳዉሎሲ ፆሳ ቃላ ኣሳ ታማሪሲዴ፥ ኢቲ ላይꬃኔ ኡሱፑን ኣጌና ኡንቱንቱና ኡቴዳ።

¹² ጋሊዮሴ ኣካዪያ ጋዲያ ሞዲያ ዎዴ፥ ኣዪሁዳቱ ኢቲፔ ጳዉሎሳ ቦላ ዴንዲዴ፥ ፒርዳ ጎሌ ኣ ኣፊዴ፥

¹³ «ሃ ቢታኒ ሙሴ ሂጊያ ኢፂዴ፥ ኣሳይ ፆሳሲ ጎዪናና ማላ ጪሜ» ያጌዲኖ።

¹⁴ ጳዉሎሲ ሃሳያና ሃኒሺን፥ ጋሊዮሴ ኣዪሁዳቱዋ፥ «ኣዪሁዳቶ፥ ሄዌ ባላ ኦሱዋ ዎይ ኢታ ናቆ ጊዶፔ፥ ታኒ ሂንቴንቱባ ዳንዳያዴ ሲሳናው ቤሴ።

¹⁵ ሺን ቃላሲ ሱንꬃሲኔ ሂንቴ ሁጴ ሂጊያሲ ሂንቴንቱ ፓሉሜቶፔ፥ ሂንቴ ሁጴው ኤሪቴ፤ ሃዋ ታኒ ፒርዲኬ» ያጌዳ።

¹⁶ ፒርዳ ጎሊያፔ ካሬው ኡንቱንታ ኬሴዳ።

¹⁷ ሄዋፔ ጉዪያን፥ ጊሪኬ ኣሳይ ኡባይ ኣዪሁዳ ዎሳ ጎሌ ካፑዋ ሶስቴኒሳ ኦይቂዴ፥ ፒርዳ ጎሊያ ሲንꬃን ሾጬዲኖ፤ ሺን ጋሊዮሳ ሄዌ ኣይኔ ሜቲቤና።

¹⁸ ጳዉሎሲ ዳሮ ዎዲያ ቆሮንቶሳን ኡቴዳዋፔ ጉዪያን፥ ኢሻቱዋ ሳሮቲዴ፥ ጲሪስቂሊናኔ ኣቂላና ማርካቢያን ሶሪያ ቤዳ፤ ባሬው ሺቄዳ ጋሱ ዴዒያ ዲራው፥ ኪንኪሪያ ካታማን ባሬ ሁጲያ ሜዴቴዳ።

¹⁹ ኡንቱንቱ ኤፌሶኔ ጋኬዳ ዎዴ፥ ጳዉሎሲ ጲሪስቂሎኔ ኣቂላ ያኒ ዬጊ ዬዳ፤ ሺን ባሬው ኣዪሁዳ ዎሳ ጎሌ ጌሊዴ፥ ኣዪሁዳቱዋና ፓሉሜቴዳ።

²⁰ ኡንቱንቱ ባሬንቱና ዳሮ ዎዲያ ኡታና ማላ ጳዉሎሳ ዎሲና ኢ ኢፄዳ።

²¹ ሺን ኡንቱንቱፔ ሻኬቲዴ፥ «ፆሳይ ጎፔ፥ ላዔꬁዋ ሂንቴንቱኮ ሲማና» ያጊዴ ኤፌሶናፔ ማርካቢያን ቤዳ።

²² ቂሳሪያ ጋኬዳ ዎዴ ዬሩሳላሜ ቢዴ፥ ኣማኒያ ኣሳ ሳሮቴዳዋፔ ጉዪያን፥ ኣንፆኪያ ዎꬌዳ።

²³ ያኒ ኣማሬዳ ዎዲያ ጋሚዒዴ ቤዳ፤ ካሊያዋንታ ኡባ ሚኒሲዴ፥ ጋላቲያናኔ ፒርጊያና ኣꬌዳ።

²⁴ ኢስኪንዲሪያን ዬሌቴዳ ኣዪሁዳ ኣሳ ኢቲ ኣጲሎሳ ጊያ ሎዖ ሃሳዪያዌ ኤፌሶኔ ቤዳ፤ ፆሳ ማፃፋቱዋ ኢ ዳሪሲ ኤሪያ ኣሳ።

²⁵ ጎዳ ኦጊያካ ታማሬዳ ኣሳ፤ ዮሃኒሳ ፂንቃታ ፃላላ ኤሪዴ፥ ኣያናን ባሬ ጋርሳን ኤፄቲዴ፥ ዬሱሳባ ሱሪሲዴ ሃሳዬዳኔ ታማርሴዳ።

²⁶ ያቲዴ ኣዪሁዳ ዎሳ ጎሊያን ያዬናን ሃሳያ ዶሜዳ። ጲሪስቂላይኔ ኣቂላይ ኢ ኦዲያዋ ሲሴዳ ዎዴ፥ ባሬንቱና ሶይ ኣ ኣፊዴ፥ ፆሳ ኦጊያ ካሴፔ ሱሪሲዴ፥ ኣው ጌሺ ኦዴዲኖ።

¹¹ Phawuloosi Xoossaa qaalaa asaa tamaarissiidde, itti laythanne usuppun agenaa unttunttunna utteedda.

¹² Gaaliyoose Akaayiyaa gadiyaa mooddiyaa wode, Ayihudatuu ittippe Phawuloosa bolla denddiide, pirdda golle A afiide,

¹³ “Ha bitani Muse higgiyaa ixxiide, asay Xoossaassi goyinnana mala cimmee” yaageeddino.

¹⁴ Phawuloosi haasayana hanishshin, Gaaliyoose Ayihudatuwaa, “Ayihudatoo, hewe bala oosuwaa woy iita naaqo gidooppe, taani hinttenttubaa danddayaade sisanaw bessee.

¹⁵ Shin qaalaassi sunthaassinne hintte huuphe higgiyaassi hinttenttu palumettooppe, hintte huuphew erite; hawaa taani pirddikke” yaageedda.

¹⁶ Pirdda golliyaappe karew unttuntta kesseedda.

¹⁷ Hewaappe guyyiyan, Giriike asay ubbay Ayihuda woosa golle kaappuwaa Sostteniisa oyqqiide, pirdda golliyaa sinthan shoceeddino; shin Gaaliyoosa hewe aynne metibeenna.

¹⁸ Phawuloosi daro wodiyaa Qoronttoosan utteeddawaappe guyyiyan, ishatuwaa sarotiide, Phirisqqillinnanne Aqiilaanna markkabiyaan Sooriyaa beedda; barew shiiqqeedda gasuu de7iyaa diraw, Kinkkiriyaa katamaan bare huuphiyaa meedetteedda.

¹⁹ Unttunttu Efesoone gakkeedda wode, Phawuloosi Phirisqqillonne Aqiilaa yaani yeggi yeedda; shin barew Ayihuda woosa golle geliide, Ayihudatuwaanna palumetteedda.

²⁰ Unttunttu barenttunna daro wodiyaa uttana mala Phawuloosa woossina I ixxeedda.

²¹ Shin unttunttuppe shaakettiide, “Xoossay gooppe, laa7ethuwaa hinttenttukko simmana” yaagiide Efesoonappe markkabiyaan beedda.

²² Qiisaariyaa gakkeedda wode Yeerusalaame biide, ammaniyaa asaa saroteeddawaappe guyyiyan, Anxxookiyaa wodhdheedda.

²³ Yaani amareedda wodiyaa gami77iide beedda; kaalliyaawantta ubbaa minissiide, Galatiyaannanne Pirggiyaanna aadhdheedda.

²⁴ Iskkinddiriyan yeletteedda Ayihuda asaa itti Aphiloosa giyaa lo77o haasayiyaawe Efesoone beedda; Xoossaa Maxaafatuwaa I darissi eriyaa asa.

²⁵ Godaa ogiyaakka tamaareedda asa; Yohaannisa xinqqataa xalalaa eriide, ayyaanan bare garssan eexettiidde, Yesuusabaa suurissiide haasayeeddanne tamaarsseedda.

²⁶ Yaatiide Ayihuda woosa golliyaan yayyennaan haasayaa doommeedda. Phirisqqillaynne Aqiilay I odiyaawaa siseedda wode, barenttunna soy A afiide, Xoossaa ogiyaa kaseppe suurissiide, aw geeshshi odeeddino.