ዬሱሲ ኪቴዳዋንቱ ኦሱዋ 10:43-48 in Dawro

⁴³ ፆሳይ ኣኒ ኣማኒያ ኡባ ናጋራ ኣ ሱንꬃን ኣቶ ጋናዋ ናባቱ ኡባቱ ማርካቲኖ» ያጌዳ።

⁴⁴ ጴፂሮሲ ቢሮ ሄ ዬዉዋ ኦዲሺን፥ ቃላ ሲሲያ ኡባ ቦላ ጌሻ ኣያናይ ዎꬊ ኣጌዳ።

⁴⁵ ጴፂሮሳና ዮጴፔ ዬዳ፥ ኣማኒያ ቃፃሬቴዳ ኣዪሁዳ ኡባቱ ኣዪሁዳ ጊዴናዋንቱ ቦላንካ ጌሻ ኣያና ኢሞታይ ጉኬዳ ዲራው ማላሌቴዲኖ።

⁴⁶ ኣዪሲ ጎፔ፥ ኡንቱንቱ ዱማ ዱማ ቃላን ሃሳዪሺኒኔ ፆሳ ዳሮቴꬃ ሳቢሺን ሲሴዲኖ። ሄ ዎዴ ጴፂሮሲ ዛሪዴ፥

⁴⁷ «ሃዋንቱ ቃሲ ኑናዳን ጌሻ ኣያና ኣኬዳዋንቱ ፃማቄቴናዳን፥ ሃꬃ ኡንቱንታ ዲጋናው ዳንዳዪያዌ ኦኔ?» ያጌዳ።

⁴⁸ ኡንቱንቱ ዬሱሲ ኪሪስቶሳ ሱንꬃን ፃማቄታና ማላ፥ ኡንቱንታ ኣዛዜዳ፤ ሄዋፔ ጉዪያን፥ ኡንቱንቱ ባሬንቱና ኣማሬዳ ጋላሳ ኡታና ማላ፥ ኣ ዎሴዲኖ።

⁴³ Xoossay aani ammaniyaa ubbaa nagaraa A sunthan atto gaanawaa nabatuu ubbatuu markkattiino” yaageedda.

⁴⁴ Phexiroosi biro he yewuwaa odishshin, qaalaa sisiyaa ubbaa bolla Geeshsha Ayyaanay wodhdhii aggeedda.

⁴⁵ Phexiroosanna Yoophpheppe yeedda, ammaniyaa qaxxaretteedda Ayihuda ubbatuu Ayihuda gidennawanttu bollankka Geeshsha Ayyaanaa imotay gukkeedda diraw maalaletteeddino.

⁴⁶ Ayissi gooppe, unttunttu dumma dumma qaalaan haasayishshiininne Xoossaa darotethaa sabbishshin siseeddino. He wode Phexiroosi zaariide,

⁴⁷ “Hawanttu qassi nuunaadan Geeshsha Ayyaanaa akkeeddawanttu xammaqettennaadan, haathaa unttuntta digganaw danddayiyaawe oonee?” yaageedda.

⁴⁸ Unttunttu Yesuusi Kiristtoosa sunthan xammaqettana mala, unttuntta azazeedda; hewaappe guyyiyan, unttunttu barenttunna amareedda gallassaa uttana mala, A woosseeddino.