21 Nak tapmɨmno yɨpbo uŋun gat toktogɨsi egɨpdamal. Nak dakon tapmɨm da aban teban tokdɨsak.
22 Uwalni da emaron arɨpmɨ dɨma abɨŋ yɨpni. Ae amɨn yokwi da arɨpmɨ dɨma abɨŋ yɨpni.
23 Nak da uwalni bamaŋ yomdɨsat, aŋek amɨn nandaba yokwi taŋ ɨmni amɨn dapbo kɨmotdaŋ.
24 Nak da but dasi galak taŋ ɨmɨŋ kɨmagek uŋun gat toktogɨsi egɨpdɨsat. Uwal gat emat wamni bɨsapmon nak da aŋpulugaŋapbo pabɨŋ yopdɨsak.
25 Nak da mɨktɨmni abo tap ɨdap Mediterenian uŋudon da wasaŋek kɨŋ pakbi madep Yupretis da arɨpmon kɨkdɨsak.
26 Aŋek Dewit da yaŋ nayɨkdɨsak, ‘Gak Datno ae Piŋkopno. Gak da tɨp tebano egek toktogɨsi aŋpulugosol.’
27 Nak da manjɨko monjɨno mibɨltogɨ dagosak, ae kɨla amɨn madep mibɨltogɨ dagaŋek mɨktɨmon kɨla amɨn madep morap yapmaŋ mudosak.
