8 Yawe nak gak do yaŋ tɨdagɨm. Bupmɨ nandɨsak do Amɨn Tagɨ bɨsit tebaisi aŋek yaŋ iyɨgɨm,
9 “Nak kɨmakbi tamogwan pɨgɨkeŋ kaŋ, ni yo tagɨ kɨnda da noman tosak? Amɨn kɨmakbi da mango tagɨ aŋkɨsini? Gak da toktogɨ ninon yo tagɨsi asal dakon gen uŋun da tagɨ yaŋ teŋteŋoni? Arɨpmɨ dɨma.
10 Nandaŋ namɨŋek nak do bupmɨ nandaki. Yawe, nak aŋpulugoki.”
11 Gak da butno jɨgɨsi tagɨt uŋun aŋtagap abɨ kɨsɨk kɨsɨk kap asat. Ae but yokwi nandagɨm uŋun aŋyawot abɨ but kwaktok nandɨsat.
12 Yaŋ agɨl, do gen mapmɨt arɨpmɨ dɨma abeŋ. Mango aŋkɨsikeŋ. Yawe Piŋkopno, dagok dagogɨ mɨni ya yaŋ gayɨkeŋ.
