134 Pulugaŋ nepmaŋaki nak abɨŋ nep do yoŋ amɨn da dɨma aŋupbal ani. Yaŋ aŋaki gengo guramɨkgeŋ.
135 Butgo oman amɨngo nagon yɨpmaŋek yo tagɨsi aŋ nabi. Gen teban morapgo do nayɨŋ dekgi.
136 Amɨn da nawa gengo dɨma guramɨkgaŋ do aŋek kunam tagapbo dabɨl pakbino pakbi madep da yaŋ pokgoŋ.
137 Yawe gak kɨlegɨsisi. Ae gen teban morapgo kɨsi kɨlegɨ gɨn.
138 Gen teban morap nimgul uŋun kɨlegɨ ae nin da tagɨ nandaŋ gadaneŋ.
139 Uwalno gengo do nandak nandak dɨma aŋ, do butjap madepsi nandaŋek tapmɨmno moŋ.
140 Yaŋ teban tokgo uŋun paŋkɨlɨgek uŋun bamɨsi yaŋ kɨlɨ pɨndakgɨm. Do oman amɨngo nak yaŋ teban tok gengo uŋun do but dasi galak tosot.
