21 Unbomeliwi, Kamok Fian e im yangbiliw weng be auk so kitil so kelewei, kawtiw mak banso im weng be kilisomi, ibolow famdeko, Kamok Fian elo “Fein!”, dangsiliw kale.
22 Kaneko beli, Selusalem abiw mutuk fian ka biliw Yesus em angin i im dulum elo kaneyemse sang be kiliko, Balnabas elo Antiok abiw mutuk fian kalo dabalasiliw kale.
23 Balnabas be kukuw ken so kunum ete kale. Em fein ibolow e kitil kesomelei, Sunbin-Finik e em ibolow mutuk be wense kasike, e kunum waneng banban mak Kamok Fian em mit elo yemde telei, i em angin kesiliw kale. Keyemiwi, Balnabas e yetemete: “Sunbin-Got e kunum waneng biilo ibolow folok duyembe kai!”, angeko, yetemse kasike, e kakat fian kesomi, kewkew weng bokoyemomele: “Kamok Fian elo kilele net kelewko, atin kuw gelewemoliwka!”, yangse kale.
