15 Dɨje madɨ dansi tɨ ooi kadɨ e kasɨ ə ra dɨje kam. Nə Jagɨ kasɨ rade al! J-a sḭ kadɨ nda tɨ ɓəy!
16 Nə ngɔsɨne nḛ kɨ ndɔ kɨ nje kəl ta kɨ ta Luwə tɨ Juwəl əl tae ka kɨn ə ra nḛ:
17 “Nḛ je kɨ Luwə əl tae kadɨ a rai nḛ me ndɔ je tɨ kɨ dɔbəy tɨ ka ə toi kɨn: M-a m-ɨlə kɨ NDɨlm dɔ dɨje tɨ pətɨ. NGansi je kɨ dɨngəm kɨ njé kɨ dəne a təli njé kəl ta kɨ ta Luwə tɨ, Basa je ləsi a ooi nḛ je me ndɨl tɨ, Ɓɨgə je ləsi, a ooi nḛ je kɨ to lo ɓɔyɔ tɨ me ni tɨ.
18 Oyo me ndɔ je tɨ kɨn, M-a m-ɨlə kɨ NDɨlm dɔ ngan njé kɨlə je tɨ ləm kɨ dɨngəm kɨ njé kɨ dəne. A əi njé kəl ta kɨ tam tɨ.
19 M-a m-ra nḛ je kɨ dəw asɨ ra al me dɔra̰ tɨ taa nu, Nɨngə dɔnangɨ tɨ ne, m-a m ra nḛ kɔjɨ je kɨ ətɨ ɓəl, Adɨ e: məsɨ nɨm, por nɨm, sa kɨ su luy luy nɨm tɔ,
