1 Ngeni ewe mi emweni chon köl: Won ewe pisekin ettik itan kitit. Echö än Tafit köl. Äm Samol mi Lapalap, äm Samol, a fokun pwäla iteüöchum won unusen fanüfan! Kölün mwareiti lingom a tori läng.
2 Ekewe semirit me ekewe mönükol ra kölün mwareituk. Ekewe chon oputom resap tongeni afeiengauok. Ka afanafanaloi chon oputom me chon ü ngonuk.
3 Lupwen üa netä läng förien poum o nengeni ewe maram me ekewe fü ka anomuur lon lenier,
4 met aüchean aramas pwe ka ekieki usun, nge met aüchean nöün aramas pwe ka tümwünü?
5 Nge ka föri i pwe epwe ekis kis fomw en ai Kot, ka ämwärämwära ngeni ling me iteüöch.
