7 Oua köriei lon ämi riaföü, nge ngang üa angasakemi. Üa pälüenikemi seni ewe kuchuen chopulap, nge ousap künaei, üa sotunikemi arun ekewe kolukun Meripa.
8 Ämi nei aramas, oupwe rongorong ngeni ai kapasen fön. Ämi chon Israel, amwo oupwe aüselingaei.
9 Esap tufich pwe oupwe eäni eman kot än chon ekewe mwü, ousap fel ngeni eman koten ekis.
10 Ngang ewe Samol mi Lapalap ämi we Kot, üa emwenikemiiwu seni ewe fanü Isip. Oupwe fokun amassaw, nge ngang üpwe amongökemi.
11 Nge nei aramas resap mochen aüselinga aloi, chon Israel resap mochen aleasochisiei.
12 Iei mine üa asechirela lon ar tipeförea pwe repwe chök föri mine ra mochen.
