8 Moap sepiei sepien tötöl, üpwe moneela ipwei sus won Etom, asisilan pwe fanüei, nge won ewe fanü Filistia üpwe arükak fän ai win.”
9 Iö epwe emwenieilong lon ewe telinimw mi pöchökül tittin? Iö epwe emweniei ngeni Etom?
10 Ai Kot, ifa usun, ka wesewesen pöütikeemila? Ifa usun, kosap chüen eti äm mwichen sounfiu le feila maun?
11 Kopwe alisikem pwe aipwe tongeni maun ngeni ekewe chon oputakem, pun än aramas alilis a lomotongau.