3 Chönün mesei a fisitiu pwe enei mongö lerän me lepwin, pun aramas ra aispat ngeniei, “Ifa i om we Kot?”
4 Lelukei a tatakis, lupwen üa chechemeni ekei mettoch: Usun üa eti ewe mwicheichen aramas o emweniir lon och tettel le feila ngeni ewe imwen Kot, eu mwichemongun aramas mi mweireiren pwapwa me kölün kilisou.
5 Ngüni, pwota ka letipengau, pwota ka ngüngü me loi? Üpwe apilükülükü Kot, pun üpwe mwareitisefäli i, ai Chon Amanau me ai Kot.
6 Ngüni a letipengau me loi. Iei mine üa chechemenuk seni ewe fanü pekilan ewe chanpupu Jortan, seni ewe chuk Hermon me ewe chuk Misar.
7 Eu lenien alolol a kökkörato pwal eu lenien alolol, lupwen om kewe koluk mi putiu ra püngümong. Om kewe no meinisin me om kewe nolapalap ra pwölüeila.
8 Lerän ewe Samol mi Lapalap a pwärawu an tong ellet, nge lepwin üa eäni echö an köl, üa iotek ngeni ewe Kot mi ngeniei manau.
9 Üa kapas ngeni Kot ai achau, “Pwota ka manlükieila? Pwota üa chök ngüngüres pokiten ai riaföü ren chon oputaei?”
10 Usun chök nge chüi ra kup, lupwen chon ü ngeniei ra ämängauaei ren ar aispat ngeniei, “Ifa i om we Kot?”
