22 Pun chokewe mi feiöch me ren ewe Samol mi Lapalap repwe fanüeni ewe fanü, nge chokewe mi anümamau me ren Kot repwe kärila.
23 Ewe Samol mi Lapalap a emweni eman aramas won ewe al epwe fetal won, a pwal anüküchara i, pun a pwapwa ren.
24 Are epwe tur, esap turuchapala, pun ewe Samol mi Lapalap a kamwöch pöün.
25 Seni me lom, lupwen ngang üa eman alüal, tori iei üa chinlap, üsap küna mwo eman chon pwüng epwe sachawun, ika nöün kana repwe tütüngorfetal ener mongö.
26 Ewe chon pwüng a fangafangöch o mwütätä pisekin ngeni aramas, nge nöün kana ra wään feiöch ngeni aramas.
27 Kopwe sü seni mine a ngau o föri mine a mürina, mürin kopwe nonomöch lon ewe fanü fän kinamwe.
28 Pun ewe Samol mi Lapalap a efich mine a pwüng, esap likitala nöün kewe mi allükülük. Ewe Samol mi Lapalap a tümwünü ekewe chon pwüng tori feilfeilachök, nge mwirimwirin ekewe aramasangau repwe kärila.
29 Ekewe chon pwüng repwe fanüeni ewe fanü o nonom won tori feilfeilachök.
30 Ewe chon pwüng a eäni fos mirit, a chök apasa mine a pwüng.
31 Än Kot kewe allük ra nom lon lelukan, nge esap tokola seniir.
32 Eman aramasangau a opoperi ewe chon pwüng o kütta an epwe niela.
33 Nge ewe Samol mi Lapalap esap asechala ewe chon pwüng fän nemenien ewe chon oputa, esap pwal mwüt ngeni pwe epwe etipisi lon kapwüng.
34 Kopwe anomu om apilükülük won ewe Samol mi Lapalap o aleasochisi an kewe allük. I epwe atekioketä pwe kopwe fanüeni ewe fanü, nge en kopwe nenengeni, lupwen ekewe aramasangau repwe kasüla.
35 Üa küna eman aramasangau a nemenem fän pöchökül, a fokun tekiatä won aramas meinisin usun efoch irä setar won Lepanon.
36 Mürin üa pwal pweresefälila ren, nge esap chüen nom. Üa kütta i, nge üsap chüen küna.
37 Kopwe afota ewe aramas esap wor an tipis o nenengeni ätewe mi wenechar. A wor mwirimwirin ätewe mi afisätä kinamwe,
38 nge ekewe chon tipis repwe rosola meinisin, pwal mwirimwirin ekewe aramasangau repwe kärila.
