7 Üa eäni echö kölün kilisou fän leüömong o apworausa om kewe föför meinisin mi amwarar.
8 Ai Samol mi Lapalap, üa echeni imwom ewe ia ka nonom ie, ewe leni ia lingom a nonom ie.
9 Kosap nieila fitifengen me ekewe chon tipis, kosap angei manauei fitifengen me chon nimanauei aramas,
10 ätekewe mi föri föför mi ngau fansoun meinisin, ra pwal pwapwa le angei lifangen amichimich.
11 Nge ngang won inisi üa föri mine a pwüng, kopwe ümöümöch ngeniei o amanauaei.
12 Üa nom won sonomaw. Üpwe mwareiti ewe Samol mi Lapalap lon ewe mwich mi lap.
