Kölfel 24:6-10 in Chuukese

⁶Iei usun ekewe aramas mi kütta Kot, chokewe mi feito fän mesen än Jakop we Kot.

⁷Oupwe sukala ekewe asam, oupwe sukchöchöla ekewe asamen lom, pwe ewe king mi ling epwe tolong lon.

⁸Iö ewe king mi ling? Ewe Samol mi Lapalap mi pöchökül o pwora, ewe Samol mi Lapalap mi win lon maun.

⁹Oupwe sukala ekewe asam, oupwe sukchöchöla ekewe asamen lom, pwe ewe king mi ling epwe tolong lon.

¹⁰Iö ei king mi ling? Ewe Samol mi Unusen Manaman, i ewe king mi ling.

BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!