3 Ousap anomu ämi apilükülük won ekewe samol ika won eman aramas, pun resap tongeni amanaua eman.
4 Lupwen ra mäla, ra liwiniti pwül. Lon ewe chök rän ar kewe akot meinisin ra tala.
5 A feiöch ewe aramas a eäni än Jakop we Kot soualilis, a anomu an apilükülük won ewe Samol mi Lapalap an we Kot,
6 ewe mi föri läng me fanüfan, pwal ewe matau me meinisin mine a nom lor. Ewe Samol mi Lapalap a allükülük tori feilfeilachök,
7 a eäni pwüng ngeni ekewe mi riaföü ren aramas o amongöni ekewe mi echik. Ewe Samol mi Lapalap a angasala ekewe chon fötek,
8 a aneloi mesen ekewe mi chun. Ewe Samol mi Lapalap a awenätä sökürün chokewe mi pworotiu o echeni ekewe chon pwüng.
