24 Ba may dikk, géej amul, ndox ballul bay fees, di wal-wali.
25 Dikk naa bala tund yu mag yee sampu, lu jiitu tund yu ndaw yi,
26 laata Yàllaa sàkk suuf aki àllam ak feppu pënd ci àddina.
27 Ba muy taxawal asamaan, maa nga fa, ak ba muy rëdd fa asamaan taseek géej,
28 ak ba muy teg niir ya fa kaw, ak ba muy dooleel ndoxi xóotey géej,
29 ak ba muy sàkkal géej kemoom, ba du jàll fa mu wax. Ba muy rëdd fa muy samp àddina,
30 man, Xel mu Rafet, maa doon ku xareñ ci wetam, di ko bànneexal bés bu ne, tey bànneexu fi kanamam.
31 May bége wërngalu àddinaam, di bànneexoo doomi aadama.»
