4 Bul rey sa bopp ci wut alal, bu ko xalaat sax.
5 Ndax xef ak xippi mu wéy, mel ni lu saxi laaf, ne fëyy, naaw ni jaxaay.
6 Ab nay, bul lekke këram, bul xemmem daraam lu neex.
7 Ma ngay xool la ngay lekk, nu mu tollu, naan la: «Lekkal, naanal!» Te xol ba àndu ca.
8 Ndog soo ca lekk, waccu ko, yiw woo ko wax daldi neen.
9 Bul wax akub dof, day xeeb sam xel.
10 Bul toxal màndargam cosaan ci làccu suuf, bul aakimoo suufas jirim.
11 Ki koy aar màgg na, da koy taxawu, dal ci sa kaw.
12 Defal sam xel ci yar, te teewlu kàdduy xam-xam.
13 Bul ñéebloo yar gone, bantal ko taxu koo dee.
