2 Ku am ak ku ñàkk a bokk lenn: Aji Sax jee leen boole sàkk.
3 Kuy foog, gisu ay, làqu; ab téxét ne ca tëñëx, loru.
4 Woyofal te ragal Aji Sax ji, am alal, gudd fan ak daraja.
5 Yoonu njublaŋ, ay dég aki fiir; ku sàmm sa bakkan sore ko.
6 Tegal gone ciw yoon, ba bu màggee, du ko wacc.
7 Ku am ay yilif ku ñàkk, koo leb di surgaam.
8 Ku ji njubadi, góob fitna, yet wa muy dóore, damm.
9 Ku tabe am barke, mooy kiy sédd ku ñàkk cib dundam.
10 Dàqal kuy ñaawle, ay jeex, xulooki saaga dakk.
11 Ku dëggu, wax ja yiw, buur di xaritam.
