3 Aji Sax ji moo gis lépp, di xool ku baax ak ku bon.
4 Wax ju neex garab la, doom ya di dundal, kàddu yu jekkadi di jeexal xol.
5 Ab dof day xeeb yaru baay ba, kuy dégg waxi àrtu, xelu nga.
6 Kër ku jub, koom gu yaa; ku jubadi, alalam jur fitna.
7 Ku xelu àddu, xam-xam law; ab dof amul xelam.
8 Saraxub ku soxor, Aji Sax ji bañ na ko; ñaanu kuy jubal da koy bége.
9 Jëfi ku bon, Aji Sax ji seexlu na ko; ku sàlloo njekk, safoo na la.
10 Mbugal tar na, ñeel ku wacc yoon; ku bañ waxi àrtu, dangay dee.
