16 Ab dof bu meree, mu gaawa feeñ; ku teey, tanqamlu saaga.
17 Ku dëggu, seede dëgg; seede bu bon, fen rekk.
18 Làmmiñu waxkat, jam-jami jaasi; kàddu gu xelu, garab la ci.
19 Kàdduy dëgg, day sax dàkk; fen, xef xippi, mu wéy.
20 Kuy ràbb lu bon lal pexey wor, kuy digle jàmm, am mbégte.
21 Ku jub du amu ay, ab soxor du tàggook musiba.
22 Aji Sax ji sib na fen-kat, safoo ku dëggu.
23 Nit ku ñaw day xam, ba ca; ab dof siiwal waxi dofam.
24 Njaxlaf, jiitu; yaafus, des gannaaw.
25 Njàqare day jeexal xolu boroom, wax ju neex di tooyal xolam.
