6 Kun pay kenalen Jesus chaná, tinmubfia as nan luta, at penelotna. Hana at ekapu as nan matan nan laraki.
7 Kenalina as nan laraki, “Uyka munchor-op as nan Mun-om-omsan ay Siloe.” (Nan laychun ay kanan nan Siloe at naifiaor.) Isunga hiya at chi ya inmuy ya nunchor-op. As nan kenmatamana, makaila at.
8 As nan nangil-an nan sasag-una ya nan chiyuycha sikud ay nangil-ila kan hiya as nan nunlemlemosana, kenalicha, “Ay fiakun hi tona nan laraki ay nangepaingsa ay tomokor ay munlemos?”
9 “O, hiya ya,” kenalen nan tapen nan tataku. Nan tapina at kenalicha, “Fiakun ya. Kaluplupana yangkiay.” Ngem kenalen nan laraki ay mismu, “Ha-un chi ya.”
10 Senarudsudcha kan hiya, “Adchi t'uyka makaila ad wani?”
