18 Nokon ikábora enbi mato onanmai. Jatian jan ea raana nokon Papa riki wetsa jan jato ekiriakin onanmai —akin.
19 Jato jaskáa yokákana iki: —¿Jaweranorin min Papa? —akin. Jatian Jesussen jato yoia iki: —Matonra ea itan nokon Papa onanyamake, ea kikinhakin onanxonkayara, ja nokon Paparibi maton onankeanke —akin.
20 Jesussenra ja fariseobo jaskáa iki, Dios rabiti xobo meranxon jato axeanontian; jain ofrenda napótibo ikainxon. Jato jaskáaitian, retekaskinbi tsonbi yatanyamaa iki, ja Diossen shinanxona mawáti nete senennamapari iketian.
