48 Tjapa uc̈hum jilirinacami niz̈aza tjapa fariseo z̈oñinacami niiz̈quinaqui ana criichipanla.
49 Tii ana lii pajñi z̈oñinacaqui, jalla ninacakazza niiz̈quin criichiqui. Ninacaqui Yooziz̈ castictapanz̈ cjequic̈ha.
50 Nicodemo cjitatac̈ha tsjiiqui ninacz̈quiztan. Tuquiqui ween chjojzacuñ Jesusiz̈quin zina ojkchic̈ha. Jalla niiqui ninacz̈quiz cjichic̈ha:
51 —Uc̈hum liiqui tuz̈ cjic̈ha, “Tsjii z̈oñiqui ima casticta cjican, primero kjawz̈ta cjequic̈ha, niiz̈ persun razuna nonz̈ta cjisjapa”. Nuz̈ cjic̈ha uc̈hum liiqui, ¿ana jaa?
