Juan 7:42-48

⁴²Ya escribi na Sagrada Escritura de Dios que el Cristo un decendiente di David, pati ay nace le na Betlehem, aquel lugar di David.”

⁴³Por causa de aquel rason el maga gente ya queda dividido na di ila pensamiento acerca di Jesus.

⁴⁴Tiene del maga gente quiere ya arresta con ele, pero nuay gayot ningunos quien ya puede hace ese.

⁴⁵Despues el maga guardia quien quiere arresta con Jesus, ya bira con el maga jefe del maga padre Judio y con el maga Pariseo quien ya pregunta, “Porque man nuay ustedes arresta con ele?”

⁴⁶Ya contesta el maga guardia, “Deverasan gayot, nuay pa gayot came oi ni con ningunos ta habla como este gente!”

⁴⁷Ya habla el maga Pariseo, “Aha! Hasta con ustedes gale ta puede le hace loco!

⁴⁸Nuay ni uno del di aton maga lider Judio ni nuay tamen ni uno di amon maga Pariseo tiene fe con ele, hende ba?